Աբորտ

Մի անգամ ծեր վանականի մոտ մի ամուսնական զույգ եկավ:

- Հա՛յր, - ասում է կինը,- ես երեխայի եմ սպասում, բայց արդեն չորս երեխա ունենք և եթե հինգերորդն էլ ծնվի՝ չենք կարողանա ապրել: Տվե՛ք Ձեր օրհնությունը, որպեսզի աբորտ անեմ:

- Տեսնում եմ, որ շատ դժվարություններ ունեք,- պատասխանում է ծերը,- դե ինչ, իմ օրհնությունն եմ տալիս, որպեսզի սպանեք ձեր երեխային: Բայց ձեր ավագ դստերը սպանեք, նա արդեն տասնհինգ տարեկան է և արդեն բավականին ապրել է այս աշխարհում, ինչ-որ բան տեսել է, իսկ այդ փոքրիկը նույնիսկ արևի լույսը դեռ չի տեսել և անարդարացի կլինի նրան այդ հնարավորությունից զրկել:

Սարսափահար կինը դեմքն ափերի մեջ առավ ու սկսեց հոնգուր-հոնգուր արտասվել:

Ռուսերենից թարգմանությունը՝ Էմիլիա Ապիցարյանի