Գրքեր

Ամանորյա տոնախմբություն էջմիածնաբնակ 250 երեխաների համար

Դեկտեմբերի 25-ին, Զորավոր Ս. Աստվածածին եկեղեցու սոցիալական ծրագրերի շրջանակներում, Էջմիածնի «Հայ միասնության խաչ» բարեգործական մշակութային հասարակական կազմակերպությունում տեղի ունեցավ ամանորյա տոնական միջոցառում: Էջմիածին քաղաքից և հարակից գյուղերից 250 երեխաներ մասնակցեցին իրենց համար պատրաստված ամանորյա տոնախմբությանը, որ նախաձեռնել և հովանավորել էր Զորավոր Ս. Աստվածածին եկեղեցու սոցիալական ծրագրերի մշտական աջակից ամերիկաբնակ Կարեն Վարդանյանը:

Ողջ ցերեկույթի ժամանակ «Բումբումիկ»-ի Մաշոկն ու Փղիկն ուրախ խաղերով և պարերով մեծ ուրախություն պարգևեցին երեխաներին: Այնուհետև ժամանեցին երեխաների կողմից սպասված հյուրերը՝ Ձմեռ պապն ու Ձյունանուշը, որ տոնական օրը հարստացրին նոր խաղերով, երգ ու պարով: Մեկը մյուսին հաջորդող խաղերն ու պարերն անմոռանալի դարձրին երեխաների օրը: Ամանորի միջոցառումն անհնար է պատկերացնել առանց տոնական նվերների. Ձմեռ պապն ու Ձյունանուշը հանդիսավորությամբ և մեծ ուրախությամբ երեխաներին նվերներ հանձնեցին:

Հաջորդ նվերը երեխաներին տոնական հյուրասիրությունն էր: Ամանորյա տոնական միջոցառումը կայացավ, որովհետև «Հայ միասնության խաչ»-ի ողջ սրահով մեկ ժպիտ և ուրախություն էր թևածում:

«Աստվածային սեր ունեցողը միայն ինքն իր մասին չի մտածում»,- ասել է Պողոս առաքյալը (Ա Կորնթացիներ 13:5): Աստվածային սեր ունեցողը նախ ինքն է հարստանում. նրա հոգին լիանում է լույսով, ուրախությամբ ու խաղաղությամբ, որոնց բաժնեկից է դարձնում շատերին: «Մեկը մի իր է վերցնում, որն իրեն նվիրել են, և ուրախանում է այդ իրով: Մյուսն ամեն ինչ է տալիս և ուրախանում ամեն ինչի համար: Այն ուրախությունը, որը մարդ զգում է, երբ վերցնում է, մարդկային ուրախություն է: Իսկ այն ուրախությունը, որը մարդ զգում է, երբ տալիս է, աստվածային ուրախություն է: Աստվածային ուրախությունը գալիս է տալով»,- ասել է Պաիսիոս Աթոսացին:

 

Կարինե Սուգիկյան

26.12.19
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․