Գրքեր

Անհավատի հավատը

Մի անգամ հայր Սերաֆիմի մոտ մի ուզբեկ է գալիս իր տասնհինգամյա որդու հետ և նրա ոտքերն ընկում.

- Ռուս տեր հայր, աղոթի՛ր որդուս համար, ընկնավոր է:

- Իսկ դու հավատո՞ւմ ես, որ Աստված կարող է օգնել,- հարցնում է հայր Սերաֆիմը:

- Հավատում եմ,- պատասխանում է տղայի հայրը- Ամեն տեղ եղել եմ՝ Տաշքենդի մոլլայի մոտ, Բուխարայի մոլլայի մոտ, Սամարղանդում: Ոչ ոք չօգնեց: Դո՛ւ օգնիր:

- Դե ինչ, եկ միասին աղոթենք,- ասում է հայր սուրբը:

Նրանք երեքով ծնկի են իջնում: Հայր Սերաֆիմը հիվանդի համար աղոթքն ու կանոնն է կարդում, նրան օրհնված յուղով օծում, չնայած որ մկրտված չէր, այլ ըստ մահմեդական սովորույթի՝ թլպատված և ասում.

- Շաբաթ և կիրակի ժամանակ չեմ ունենա, պատարագին շատ ժողովուրդ է հավաքվում: Իսկ երկուշաբթի ճաշից հետո արի:

Եվ երբ այդ մարդը որդու հետ երկուշաբթի հայտնվեց եկեղեցու ցանկապատի մոտ, կոշիկները հանեց դարպասների առջև, ծնկի իջավ և այդպես ծնկաչոք անցավ դարպասից մինչև հայր Սերաֆիմի տնակը:

Թող սա դաս լինի ամենքիս համար: Մեզնից ո՞վ այդպես ծնկաչոք կգնա իր բարերարի մոտ: Իսկ ուզբեկն ուրախությունից եկեղեցու բակը ծնկաչոք անցավ, արտասվելով …

 

Ռուսերենից թարգմանությունը՝ Էմիլիա Ապիցարյանի

11.04.18
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․