Առաջընթացը

Նավաբեկությունից հետո մի եվրոպացի հայտնվեց Խաղաղ օվկիանոսի հարավային կղզիներից մեկի ափին:

Պարզվեց, որ կղզիաբնակները ոչ միայն խելացի ու հյուրասեր էին, այլև՝ քրիստոնյա:

Երեկոյան ցեղապետը փրկվածին հրավիրեց իր խրճիթ՝ ընթրիքի, և սեղանի շուրջ զրույց ծավալվեց քաղաքակրթության օգուտների մասին:

Հյուրն սկսեց ոգևորությամբ պատմել, թե ինչպիսի բարեփոխումներ կարելի է մտցնել կղզու կյանքում և ինչպես դրանք կփոխեն ցեղախմբի կյանքը:

- Միայն թե ձեր հավատը կխանգարի առաջընթացին համաքայլ գնալ,- եզրակացրեց հյուրը:

- Ճիշտ ես, ընկե՛ր, հավատը խիստ փոխել է մեր ապրելակերպը,- ասաց ցեղապետը:- Նախկինում իմ մարդիկ չէին խոսի քեզ հետ, այլ կխորովեին ընթրիքի համար: Համոզվա՞ծ ես, որ պիտի փոխենք մեր հավատը:

Ռուսերենից թարգմանեց Էմիլիա Ապիցարյանը