Գրքեր

Առաքելություն, որին կոչված են բոլորը

Յուրաքանչյուր մարդ աշխարհ է գալիս որևէ առաքելությամբ, իսկ այն առաքելությունը, որին կոչված են բոլորն ի Տեր, սիրո առաքելությունն է: Հնարավոր չէ ապրել առանց սիրո, որը մարդու կյանքի մղիչ ուժն է: Կյանքի հորձանուտն իր քաոսային ընթացքով երբեմն միայն ավերներ է թողնում, իսկ այդ հորձանուտի մեջ անհրաժեշտ է հրաժարվել ավերիչ շատից՝ հանուն արժեքավոր քչի, անհրաժեշտ է ընտրել սերը և նրանով ապրել, քանի որ առանց սիրո կյանքն ուղղակի անապատի է վերածվում: Եկեղեցու հայրերից մեկն ասել է, որ եթե մարդիկ ուշադրություն դարձնեին իրենց մեղքերի կամ բարի գործերի հետևանքներին, ապա, մեղքից հեռու մնալով՝ նախանձախնդիր կլինեին սիրո գործերի:

Սիրո առաքելությանը նախանձախնդիր անձանց շնորհիվ կյանքի են կոչվում սիրո պտուղները, որ օր-օրի կանխում են անտարբերության ավերներն ու անապատացումը: Հոկտեմբերի 2-ին, Զորավոր Ս. Աստվածածին եկեղեցում, հոգևոր հովիվ Տեր Գրիգոր քահանա Գրիգորյանը, Զորավոր Ս. Աստվածածին եկեղեցու և «Արև-երեխաներ» ՀԿ-ի սոցիալական ծրագրերի շրջանակում, Հարությունյան Թեհմինեին (37 տ.) հանձնեց դրամական օգնություն (50 000 դրամ), որ տրամադրել էր համայնքի անդամ Արփի Դալլաքյանը: Թեհմինեն իր ամուսնու և երկու զավակների հետ բնակվում է Արամուս գյուղի 10 փ. 10 տնակում, որը զուրկ է կենցաղավարության տարրական պայմաններից: Ընտանիքի կրտսեր զավակը՝ Անգելինան (5տ.), Դաունի համախտանիշ ունի:

Թեհմինեն շնորհակալություն հայտնեց «Արև-երեխաներ» ՀԿ-ին և աջակից անձին՝ ուշադրության ու աջակցության համար:

 

Կարինե Սուգիկյան

02.10.19
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․