Գրքեր

Արիություն և համբերություն

Ծերն ասաց. «Եթե ամեն կողմից բազում փորձություններ գան մարդու վրա, և նա նեղվի, տրտնջա, թո՛ղ նրա մտերիմները փորձության պատճառով նրանից երես չդարձնեն»: Եվ այսպես բան պատմեց. «Խրճիթում ապրում էր մեկը, որի վրա փորձություն եկավ: Եվ նրա մտերիմներից ով տեսնում էր նրան, չէր կամենում ողջույն տալ և ոչ էլ տուն էր հրավիրում, իսկ եթե երբևէ հացի կարիք էր լինում, ոչ ոք փոխ չէր տալիս նրան, և հնձի գնալիս ու վերադառնալիս հաց չկար նրա խրճիթում: Սովորություն էր խրճիթներում, որ ովքեր վերադառնում էին հնձից, ճաշակում էին եկեղեցուց, իսկ շաբաթ օրերը եկեղեցի գնալ ոչ ոք չէր արգելում նրան, և վերադառնալով իր խուցը` գոհանում էր Աստծուց: Եվ Աստված, տեսնելով նրա համբերությունը, հեռացրեց նրանից փորձությունը: Եվ ահա նրա դուռը բախեց մեկը, ով Եգիպտոսից ուղտը լի բեռնած, հաց էր բերել և ասաց. «Վերցրո՛ւ այս հացը»: Եվ նա սկսեց լաց լինել և ասել. «Մի՞թե արժանի չեմ, Տե՛ր, քո տված նեղությունը կրելու, դրա համար ինձնից վերցրիր այն»: Եվ երբ հեռացավ փորձությունը, ամենքը սկսեցին սիրել նրան, և ուրիշ եղբայրներ էլ աղաչում էին, որ իրենց խուցը գա»:

 

«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016

26.10.22
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․