Աստծո պատվիրանը

Հայր Պափնոտիոսի մասին ասում էին, թե երբեք գինի չէր խմում: Մի անգամ ճանապարհ գնալիս հանդիպեց ավազակների, որոնք գինի էին խմում, իսկ ավազակապետը ճանաչում էր նրան և գիտեր, որ նա գինի չի խմում: Եվ տեսնելով, որ նա շատ է հոգնած, լցրեց բաժակը գինով և սուսերը ձեռքին` ծերին ասաց. «Եթե չխմես, կսպանեմ քեզ»: Եվ ծերը գիտենալով, որ Աստծո  պատվիրանն  է  կատարում  (Մատթ. 5:41), վերցրեց և խմեց գինին: Եվ ավազակապետն ընկավ նրա առաջ և ասաց. «Թողությո՛ւն տուր, հա՛յր, որ քեզ նեղացրի»: Եվ ծերն ասաց. «Հավատում եմ Աստծուն, որ այս բաժակի համար քեզ ողորմություն կանի հավիտյանս՝ այստեղ և հանդերձյալում»: Ավազակապետն ասաց նրան. «Հավատում եմ Աստծուն, որ ես սրանից հետո ոչ մեկին չարիք չեմ պատճառի»: Եվ ծերը շահեց բոլոր ավազակներին՝ ավազակապետով հանդերձ, քանզի իր կամքը չկատարեց, այլ շահեց նրանց՝ հանուն Աստծո:

«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016