Աստծո սիրտը

Մի մարդ մոտեցավ մի խելագարի, որը դառնորեն լաց էր լինում ու հարցրեց.

- Ինչո՞ւ ես լալիս:

Խելագարը պատասխանեց.

- Լալիս եմ, որպեսզի Նրա սրտում գութ արթնացնեմ:

- Հիմարություն ես ասում, Նա նյութական սիրտ չունի,- ասաց մարդը:

- Սխալվում ես,- պատասխանեց խելագարը,- չէ՞ որ Նա աշխարհի բոլոր սրտերի Տերն է: Հենց այդ սրտերի միջոցով էլ կարող ես կենդանի թել ձգել մինչև Աստված:

Ռուսերենից թարգմանությունը՝ Էմիլիա Ապիցարյանի