Քահանաներ Ծխական խորհուրդ Տիկնանց միություն Երիտասարդաց միություն Ցերեկային կենտրոն 
Քրիստոնյա ընտանիք Հարցազրույցներ Ուխտագնացություն Սոցիալական ծառայություն
Բամբասանքներ
Մի մարդ քայլում էր թաղամասով՝ անիծելով քահանային և նրա մասին տարածելով չար և կեղծ բամբասանքներ: Մի գեղեցիկ օր նա զգաց իր մեղքը և եկավ քահանայի մոտ, որպեսզի ներողություն խնդրի: Նա քահանային ասաց, որ պատրաստ է ամեն ինչի, որպեսզի իր մեղքերին թողություն տրվի: Քահանան նրան ասաց.
- Գնա´ տուն, վերցրո´ւ մի քանի բարձ, քանդի´ր դրանք և փետուրները քամուն տուր: Խնդրանքը բավականին տարօրինակ թվաց մարդուն, բայց այն կատարելը իրենից ոչ մի դժվարություն չէր պահանջում, և մարդը համաձայնվեց: Կատարելով իր խոստումը՝ մարդը եկավ քահանայի մոտ, որպեսզի հայտնի, որ կատարել է նրա ասածը:
- Իսկ հիմա, -ասաց քահանան, - գնա´ և հավաքի´ր բոլոր փետուրները: Չնայած՝ քո զղջումը, ինչպես նաև ցանկությունն ուղղելու քո կողմից պատճառած վնասը, անկեղծ են, բայց փոխհատուցել վնասը, որ բառերն են պատճառում, անհնար է, ինչպես քամուն տված փետուրները:
Ռուսերենից թարգմանությունը՝ Էմիլիա Ապիցարյանի
