19 Նոյեմբեր, Բշ, Հիսնակաց պահքի Ա օր

Գրքեր

«Բարեպաշտությունը բոցավառվում է սիրո առկայությամբ»

Հուլիսի 18-ին, Զորավոր Ս. Աստվածածին եկեղեցում, հոգևոր հովիվ Տեր Գրիգոր քահանա Գրիգորյանը Իգիթյան Էլինարին (32 տ.) հանձնեց դրամական օգնություն (100 ԱՄՆ դոլար), որ տրամադրել էր եկեղեցու սոցծրագրերին մշտապես աջակից ամերիկաբնակ Վարդանյան ընտանիքը: Տեր Հայրը Իգիթյան ընտանիքի զավակներին փոխանցեց նաև քաղցրավենիքի փաթեթ, որը մեծ սիրով պատրաստել էր աջակից ընտանիքի զավակ վեցամյա Միքայելը:

Էլինարն իր երկու տղաների հետ բնակվում է Նորքի 1-ին նրբ. 46/2 հասցեում: Ընտանիքի մայրը միայնակ է խնամում իր զավակներին և ֆիզարձակուրդի մեջ գտնվելով՝ արձակուրդայինի և ընտանեկան նպաստի գումարներով չի կարողանում հոգալ իր ընտանիքի նվազագույն կարիքները:

«Մեծ տղայիս՝ Զախարի (5 տ.) մոտ ախտորոշել են հիպերակտիվություն, բայց ֆինանսական խնդիրների պատճառով չեմ կարողանում նրան, ըստ բժշկի նշանակումների, հատուկ մանկավարժի մոտ և լողի տանել: Տղաս նաև հաղորդակցման խնդիր ունի, եթե այժմ կարողանայի նրան բուժման տանել, ապա հաջորդ տարի դպրոց ընդունվելիս նա կկարողանար մի շարք դժվարություններ հաղթահարել: Ես էլ առողջական լուրջ խնդիր ունեմ և բուժման հետաձգումը կարող է ինձ մոտ նախաքաղցկեղային վիճակ ստեղծել»,- ասաց էլինարը և աջակցության համար իր երախտագիտությունը հայտնեց Տեր Գրիգորին և աջակից ընտանիքին:

Բուսական աշխարհն ստեղծելիս Աստված յուրաքանչյուրին հրամայեց պտղաբերել իր տեսակին համապատասխան (Ծննդոց 1:11): Հայրաբանական գրականությունը, սուրբգրային տվյալ համարը մեջբերելով, նշում է. «Աստված ակնկալում է, որ քրիստոնյաները՝ եկեղեցու կենդանի բույսերը, առատանան բարեպաշտության պտուղներով՝ յուրաքանչյուրն ըստ իր ունակությունների կոչման: Բոլորովին այլ են ազնվականի, արհեստավորի, ծառայի, իշխանի, այրու, օրիորդի, ամուսնացյալ կնոջ բարեպաշտության դրսևորումները: Բացի այդ բարեպաշտությունը պիտի լինի ամեն մեկի մտավոր և ֆիզիկական հնարավորություններին, զբաղմունքին, պարտականություններին համապատասխան: Բարեպաշտությունը բոցավառվում է սիրո առկայությամբ, որ հոգու կրակն է»:

 

Կարինե Սուգիկյան

18.07.18
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․