2 Հունիս, Գշ, Գ օր Հոգեգալստյան, Պահք

Գրքեր

Բարի սիրտ ունեցողն իր մեջ բարի գանձ է կրում

Մարդու սիրտը չի կարող երբեք դատարկ լինել, կամ այն լեցուն է հավատով և բարությամբ, կամ անհավատությամբ, Աստծո պատվիրանների հանդեպ անտարբերությամբ և չարությամբ: «Բարի մարդը իր սրտի բարի գանձից բարիք է հանում, իսկ չար մարդը իր սրտի չար գանձից՝ չարիք»,- ասում է Քրիստոս (Մատթ. 12:35): Այն հարցին, թե ո՞ր գանձն է բարի և որը՝ չար, Ս. Բարսեղ Մեծը պատասխանել է և ասել՝ առաքինաբար ապրելը և Աստծո փառքին ծառայելը բարի գանձ է, իսկ մոլությունների մեջ ապրելը, որ արգելված է Աստծո կողմից, չար գանձ է: Բարի գանձերով հարուստ սիրտն արժանանում է Տիրոջ ներկայությանն ու սիրուն. «Ով ընդունում է Իմ պատվիրաններն ու գործադրում դրանք, նա՛ է, որ սիրում է Ինձ: Ով սիրում է Ինձ, նրան կսիրի և Իմ Հայրը: Ես էլ նրան պիտի սիրեմ և Ինձ հայտնի դարձնեմ նրան» (Հովհ. 14:21-22):

Հոկտեմբերի 23-ին, Զորավոր Սուրբ Աստվածածին եկեղեցում, հոգևոր հովիվ Տեր Գրիգոր քահանա Գրիգորյանը, Զորավոր Ս. Աստվածածին եկեղեցու և «Արև-երեխաներ» ՀԿ-ի սոցիալական ծրագրերի շրջանակում, Ավետյան Սոնային (34 տ.) հանձնեց դրամական օգնություն (100 ԱՄՆ դոլար), որ տրամադրել էր ամերիկաբնակ Կարեն Վարդանյանը: Սոնան իր ամուսնու և երեք զավակների հետ վարձակալությամբ բնակվում է Նորագավիթ 13 փ. 62 տ. հասցեում: Ընտանիքի կրտսեր զավակը՝ Գենիկը (4տ.), Դաունի համախտանիշ ունի: Սոնան շնորհակալություն հայտնեց աջակից ընտանիքին՝ նշելով, որ ամուսնու աշխատավարձի և ընտանեկան նպաստի գումարներով միայն իրենց նվազագույն կարիքներն են կարողանում հոգալ:

Նա, ով պատվիրանապահությամբ բարի սիրտ է ձեռք բերել, իր սրտում կրում է աստվածայինը, այսինքն՝ բարի գանձը: «Որքան շատ սեր, իմաստություն, բարություն կա ձեր մեջ, այնքան ավելի շատ եք դուք դրանք նկատում շրջապատող աշխարհում»,- ասել է Մայր Թերեզան:

 

Կարինե Սուգիկյան

23.10.19
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․