Գրքեր

Չար հակումները

Մի բարեպաշտ մարդ հեռացավ աշխարհի ունայնությունից ու անապատ գնաց, որպեսզի ավելի գոհացնի Աստծուն ու ավելի մոտենա Նրան: Նա միայնակ էր ապրում, կատարում էր պատվիրանները, աղոթում էր ու առ Աստված կատարած նրա սխրանքները տարածվել էին ամենուր: Մի անգամ մի երիտասարդ եկավ նրա մոտ ու հարցրեց.

- Հա՛յր, չար հակումներն ինչպե՞ս արմատախիլ անել սրտից:

- Ասա՛ ինձ,- պատասխանեց ծերունին,- կարո՞ղ ես դեռ արմատ չունեցող սածիլը հողից պոկել:

- Իհա՛րկե, կարող եմ,- պատասխանեց երիտասարդը:

- Իսկ այս ծա՞ռը,- մատնացույց արեց անապատականը ծեր կաղնուն:

- Ո՛չ, Հա՛յր,- պատասխանեց երիտասարդը,- այդ ծառն արմատով հանելն իմ ուժերից վեր է:

- Ահա այդպես էլ չար հակումներն ու վատ սովորություններն են,- ասաց ծերունին,- հեշտ է դրանք պոկել, քանի դեռ չեն արմատավորվել սրտումդ: Իսկ երբ արդեն խորը արմատներ են գցել, ապա շատ ավելի դժվար է դրանք արմատախիլ անելը:

 

Ռուսերենից թարգմանությունը՝ Էմիլիա Ապիցարյանի 

11.03.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․