Գրքեր

Երախտագիտություն

Մի անգամ վաճառականը հրաշալի տրամադրությամբ վերադառնում էր տոնավաճառից և ճանապարհին երկու գյուղացու հանդիպեց: Վաճառականը կանգ առավ ու հարցրեց, թե ուր են գնում: Գյուղացիները պատասխանեցին, որ տոնավաճառ են գնում՝ երեխաների համար քաղցրաբլիթ գնելու: Եվ քանի որ վաճառականը բարձր տրամադրություն ուներ, ամեն մեկին մեկ ռուբլի տվեց: Նրանցից մեկը շատ ուրախացավ և սկսեց ջերմորեն շնորհակալություն հայտնել վաճառականին: Նրա դեմքը երջանկությունից փայլում էր և նա ասաց, որ այժմ ոչ միայն քաղցրաբլիթ կգնի երեխաների համար, այլև կնոջ համար էլ մի նվեր կգնի: Իսկ երկրորդ գյուղացին չէր շտապում շնորհակալություն հայտնել վաճառականին, և դեմքի արտահայտությունն էլ ոչինչ չէր ասում: Զարմացավ վաճառականը և հարցրեց, թե նա ինչու ուրախ չէ: Մարդը պատասխանեց, թե իբր ի՞նչ կարող ես մեկ ռուբլով գնել: Կով չես գնի, այծի համար էլ չի հերիքի, այդ պատճառով էլ ուրախանալու պատճառ չկա… Բարկացավ վաճառականը, հետ վերցրեց իր գումարը և տվեց նրան, ում շնորհակալությունից ինքը զգացվել էր: Եվ կրկին նվեր ստացողը խոնարհվեց իր բարերարին և մեծ ուրախությամբ շնորհակալություն հայտնեց նրան: Իսկ իր ընկերոջն էլ մխիթարեց՝ ասելով, որ այժմ նրա ընտանիքի համար էլ նվերներ կգնի, քանի որ բոլորի համար կբավականացնի: Այս լսելով վաճառականն այնքան ազդվեց, որ իր ողջ գումարով լի քսակը նրան տվեց:

 

Ռուսերենից թարգմանությունը՝ Էմիլիա Ապիցարյանի

16.12.22
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․