Գրքեր

Երջանկությունը

Կար-չկար մի բարի ու կարեկից մարդ: Նա երջանիկ ապրում էր, գոհ էր ամեն ինչից և սիրում էր կյանքը: Նա բոլորին օգնում էր, կարեկցում, ներում, աղոթում՝ առանց որևէ ակնկալիքի: Սակայն մի օր դիմեց Աստծուն. «Տե՛ր, ախր ես այնքան լավն եմ, այնքան բարիք եմ գործել, բայց փոխարենը ոչինչ չեմ ստացել: Ո՛չ փող ունեմ, ո՛չ լավ աշխատանք, ո՛չ ընտանիք, ո՛չ փառք ու իշխանություն»:

Բայց նա ուներ սիրելի աշխատանք: Ապրուստի միջոցները բավարար էին, սակայն կարծում էր, որ իր գործած բարիքի դիմաց ավելիին է արժանի: Նրա աղոթքն այդպես էլ անպատասխան մնաց: Բայց շուտով կյանքն ամբողջովին փոխվեց՝ լավ աշխատանք գտավ, սկսեց մեծ գումարներ վաստակել, ամուսնացավ ընկերության տնօրենի դստեր հետ, զավակներ ունեցավ: Բայց… երջանիկ չէր: Կյանքը վազքի մեջ էր անցնում՝ բարեկեցության, հարստության, պատվի ու մեծարանքի ետևից վազելով, իսկ ապրելու ժամանակ չէր մնում: Եվ նա սկսեց չարանալ, կասկածամիտ ու ժլատ դարձավ, այլևս չէր կարեկցում և օգնում մարդկանց: Մի անգամ երազում տեսավ, որ հարցնում է Աստծուն, թե ուր կորավ իր երջանկությունը: «Առաջ քո գործած բարիքի վարձը երջանկությունը, խաղաղությունն ու սերն էին, որ տեսանելի էին միայն քեզ, և անտեսանելի՝ այլոց համար: Բայց դու փոխանակեցիր քո երջանկությունը: Ցանկացար, որ այն տեսանելի դառնա, և այդ պատճառով այն սրտիցդ տեղափոխվեց արտաքին աշխարհ: Այժմ շրջապատի համար տեսանելի դառնալով՝ այն «անտեսանելի» դարձավ քեզ համար: Հիշի՛ր, գլխավորն աչքերով չես տեսնի»:

 

Ռուսերենից թարգմանեց Էմիլիա Ապիցարյանը

09.01.19
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․