Երկրայինը զոհաբերելով՝ քրիստոնյան արժանանում է երկնայինին | Erkrayiny Zohaberelov Qristonyan Arjananum E Erknayinin



Գրքեր

Երկրայինը զոհաբերելով՝ քրիստոնյան արժանանում է երկնայինին

Քրիստոնյան, հետևելով Քրիստոսի օրինակին, ընթանում է սիրո և զոհողության ուղով: Առանց զոհողության հնարավոր չէ աստվածահաճո կյանքը: Քրիստոնեական բոլոր առաքինություններն Աստծուն ուղղված զոհողություններ են, որոնք մարդկային հոգուն պարգևում են երկնային ուրախություն: Երկրայինը զոհաբերելով՝ քրիստոնյան արժանանում է երկնայինին: «Ուզո՞ւմ ես հոգով հարաբերվել Աստծո հետ, վայելել այն քաղցրությունը, որ բռնադատված չէ զգացմունքներով՝ հետևի՛ր ողորմությանը»,- ասել է Ս. Իսահակ Ասորին:

Ապրիլի 26-ին, Զորավոր Ս. Աստվածածին եկեղեցում, հոգևոր հովիվ Տեր Գրիգոր քահանա Գրիգորյանը, սիրիահայ համայնքից Վեհանուշ Նազարյանին (43 տ.) հանձնեց դրամական օգնություն (100 ԱՄՆ դոլար), որ տրամադրել էր ամերիկաբնակ Կարեն Վարդանյանը: Սիրիայում ծագած պատերազմի պատճառով չորս հոգուց բաղկացած սիրիահայ ընտանիքը երեք տարի առաջ տեղափոխվել է Հայաստան և վարձակալությամբ բնակվում է Էրեբունի զանգված/Նոր Արեշ 22/73 հասցեում: «Ամուսինս՝ Նուբար Քբջյանը (58 տ.), մշտական աշխատանք չունի, այդ պատճառով ավագ որդիս՝ Հովհաննես Քբջյանը (19 տ.), դպրոցն ավարտելուց հետո անցավ աշխատանքի, որպեսզի կարողանանք հոգալ մեր ամենօրյա կարիքները: Անչափ շնորհակալ եմ Տեր Գրիգորին և աջակից անձին, որ աջակցեցին նաև իմ ընտանիքին»,- ասաց տիկին Վեհանուշը:

 

Կարինե Սուգիկյան

26.04.18
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․