26 Հունվար, Գշ, Առաջավորաց պահքի Բ օր

Գրքեր

Գրոշ և մետաղադրամ

Մի քաղաքում մի շատ արհեստավարժ վարսավիր էր ապրում, ով երեք պղնձե գրոշ էր վաստակում սափրելու համար: Բայց քանի որ շատերին էր սափրում ամեն օր, ապա իր օրվա ապրուստը հոգալուց բացի՝ հարյուր պղնձե դրամ էր խնայում: Բայց մի օր լսեց, որ մի հեռավոր քաղաքում ավելի արժեքավոր մետաղադրամ են տալիս սափրելու համար: - Ինչո՞ւ պետք է այստեղ զուր ժամանակ վատնեմ,- ասաց նա,- որքան ժամանակ է երեք պղնձե գրոշի համար եմ աշխատում: Իսկ այնտեղ կարող եմ հարստանալ: Առանց երկար-բարակ մտածելու վաճառեց ողջ ունեցվածքն ու ճանապարհվեց այդ քաղաքը: Եվ իսկապես, ավելի արժեքավոր մետաղադրամներ ստացավ սափրելու դիմաց: Երեկոյան, ուրախ-ուրախ, վերցրեց հավաքված մեծ գումարն ու շուկա գնաց՝ ուտելիք գնելու: Բայց պարզվեց, որ ամեն բան այնքան թանկ է այդտեղ, որ իր օրվա աշխատածը միայն համեստ սննդի համար է բավարար: Որոշակի ժամանակից հետո ասաց ինքն իրեն. - Պետք է նախկին բնակավայրս վերադառնամ ու նախկին համեստ աշխատանքիս անցնեմ, որովհետև արդեն փորձից գիտեմ, որ այն գրոշներով ավելի շատ էի վաստակում, քան այս մեծ դրամներով:

 

Ռուսերենից թարգմանությունը՝ Էմիլիա Ապիցարյանի

13.01.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․