Գրքեր

Հաստատուն և անպարտելի սիրո պտուղները

Քրիստոնեական կրոնի ողջ էությունն ըմբռնելու համար բավական է միայն ուսումնասիրել քրիստոնեության հիմնադրի՝ Քրիստոսի կյանքը: Բոլոր մյուս կրոնների հիմնադիրները չունեն այն բացառիկ նշանակությունը, որ ունի Քրիստոս քրիստոնեության մեջ: Եթե մյուս կրոնների հիմնադիրներն ուսուցիչներ են, ավետաբերներ, ապա Քրիստոս Աստվածորդի է և Փրկիչ, Ով Իր կյանքը զոհեց հանուն մարդկության փրկության: Նա Իր խաչելությամբ և հարությամբ մարդկային անկյալ բնությանը վերածնվելու, Աստծու պատկերն իր մեջ վերականգնելու և փրկվելու հնարավորություն տվեց: Նրա շուրթերից հնչած սիրո պատգամը, թե՝ սիրեք միմյանց, և մեծագույն սերն այն սերն է, որով մարդ ինքն իրեն զոհում է իր բարեկամներին համար (Հովհ. 15:12-13), Իր կյանքով վկայեց: Քրիստոսի հետևորդների մեջ քիչ չեն նրանք, ովքեր իրենց կյանքը զոհեցին հանուն մերձավորի: Ս. Հովհան Ոսկեբերանն ասել է. «Սերը, որի հիմքում Քրիստոս է, հաստատուն է, մնայուն և անպարտելի. ոչինչ՝ ո՛չ վտանգը, ո՛չ մահը, ո՛չ զրպարտությունը և ո՛չ այլ բան չեն կարող այն սպառել: Իսկ ով սիրում է նրա համար, որ սիրում են իրեն, ապա դժվարության կամ փորձության դեպքում կհրաժարվի այդ սիրուց: Իսկ նա, ով միավորված է աստվածային սիրուն, երբեք չի լքի այն: Այդ պատճառով է Պողոս առաքյալն ասել՝ սերն անվախճան է (Ա Կորնթ. 13:8)»: 

Արցախյան վերջին պատերազմում զոհված մեր հերոսները զոհեցին ամենաթանկը՝ իրենց կյանքը՝ հանուն հայրենիքի և հանուն մերձավորի: Հուլիսի 6-ին Զորավոր Ս. Աստվածածին եկեղեցու հոգևոր հովիվ Տեր Գրիգոր քահանա Գրիգորյանը, ՀՀ ԶՈՒ հոգևոր առաջնորդ Տ․ Մովսես վրդ․ Սարգսյանի միջնորդությամբ, որպես սիրո և երախտագիտության արտահայտություն, Ոսկանյան Լուսինեին (48 տ.) փոխանցեց 100 000 դրամ, որ տրամադրել էր ամերիկաբնակ Կարինե Ավագյանը: Լուսինեն իր երկու անչափահաս զավակների հետ բնակվում է ք. Հրազդանի 69 շ. 33 բն. հասցեում: Լուսինեի ամուսինը՝ Հարությունյան Մհերը՝ որպես Շուշիի առանձնակի գումարտակի հրամանատար, մասնակցել է արցախյան վերջին պատերազմին և հոկտեմբերի 6-ին Մատաղիսում զոհվել է՝ փրկելով զինվորների կյանքը: Զոհված հերոսի կինն իր երախտագիտությունը հայտնեց աջակից անձին:
 


Կարինե Սուգիկյան

 

06.07.22
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․