Գրքեր

Հավատա՛

Մի անգամ աթեիստը զբոսնում էր ձորաբերանին, երբ հանկարծ սայթաքեց ու ցած ընկավ: Ընկնելիս հաջողվեց քարերի արանքից աճած մի փոքրիկ ծառի ճյուղից բռնվել: Այդպես ճյուղից օրորվելով՝ հասկացավ, որ անելանելի վիճակում է գտնվում. ներքևում խորունկ ձորն էր, իսկ վեր բարձրանալու միջոց էլ չկար: Երբ ձեռքերը սկսեցին թուլանալ՝ մտածեց. «Վե՛րջ, այժմ միայն Աստված կարող է փրկել ինձ: Երբեք չեմ հավատացել Աստծուն, բայց երևի սխալվել եմ: Ի՞նչ պիտի կորցնեմ, եթե դիմեմ Նրան»: Եվ կանչեց.

- Տե՛ր Աստված, փրկի՛ր ինձ, եթե գոյություն ունես, և ես կհավատամ Քեզ:

Պատասխան չկար: Նա կրկին կանչեց.

- Խնդրում եմ, Տե՛ր Աստված: Ես երբեք չեմ հավատացել Քո գոյությանը, բայց այժմ կհավատամ, եթե փրկես ինձ:

Հանկարծ մի հզոր ձայն լսվեց երկնքից.

- Միևնույն է չես հավատա: Շատ լավ եմ ճանաչում քեզ նմաններին:

- Ո՛չ, սխալվում ես,- բացականչեց մարդը,- իսկապես կհավատամ:

Եվ այսպես այնքան աղաչեց ու վստահեցրեց, որ կհավատա, մինչև Աստված ասաց.

- Դե լավ, կփրկեմ քեզ: Բա՛ց թող ճյուղը:

- Բա՞ց թողեմ,- բացականչեց մարդը,- կարծում ես խելագա՞ր եմ…

 

Ռուսերենից թարգմանությունը՝ Էմիլիա Ապիցարյանի 

12.09.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․