Գրքեր

«Հետևիր քեզ, որ սիրո պակաս չունենաս»

Հունվարի 19-ին, Զորավոր Ս. Աստվածածին եկեղեցում, հոգևոր հովիվ Տեր Գրիգոր քահանա Գրիգորյանը սիրիահայ համայնքից Ջիկերսիսյան էլիզավետային (48 տ.) հանձնեց դրամական օգնություն (50 000 դրամ), որ տրամադրել էր Ռուսաստանի Դաշնությունում բնակվող Արևիկ Չալիկյանը: «Ես, ամուսինս և երկու որդիներս արդեն երեք տարի է, ինչ վարձակալությամբ բնակվում ենք Էրեբունի Ռոստովյան 34 հասցեում: Ամուսինս մասնագիտությամբ ավտոմեխանիկ է, բայց ձմռանը, աշխատանք չլինելու պատճառով, չի աշխատում: Ավագ որդիս՝ Անդրանիկը (23 տ.), ուսանում է Երևանի պետական համալսարանի մաթեմատիկայի ֆակուլտետում, նրա ուսման վարձը կիսով չափ վճարում է Գ. Գյուլբենկյանի անվան հիմնադրամը: Իսկ փոքր որդիս՝ Սարգիսը (19 տ.), ֆինանսական խնդրի պատճառով դեռ չի ուսանում: Այժմ միայն Անդրանիկն է աշխատում, ում վաստակածով փորձում ենք մեր նվազագույն կարիքները հոգալ»,- ասաց Արևիկը՝ շնորհակալություն հայտնելով Տեր Գրիգորին և աջակից անձին, սիրիահայ համայնքի հանդեպ հոգածու վերաբերմունք ցուցաբերելու համար:

Եկեղեցու հայրերից Ս. Իգնատի Բրյանչանինովը մերձավորի՝ որպես Աստծո պատկերը կրողի հանդեպ, հորդորում է հետևյալ վերաբերմունքն ունենալ. «Աստված արտացոլվում է մարդկային կյանքում այնպես, ինչպես արևը անձրևի մաքուր կաթիլում: Բայց այն, ինչ տեսնում ենք անձրևի կաթիլում, արևը չէ: Արևն այնտեղ է՝ անմատչելի բարձունքում: Քրիստոնյային գուցե զրկեն որոշ փառքերից, բայց նա չի զրկվի արարչագործության ժամանակ իրեն տրված փառքից՝ Աստծո պատկերից: Եթե անգամ Աստծո պատկերը նետվի դժոխքի սարսափելի հուրը, ես այնտեղ էլ պետք է հարգեմ նրան: Թե՛ կույրին, թե՛ բորոտին, թե՛ խելացնորին, թե՛ նորածնին և թե՛ հանցագործին՝ որպես Աստծո պատկերը կրողների, ցուցաբերիր հարգանք: Հետևիր քեզ, որ սիրո պակաս չունենաս: Հարգիր մերձավորիդ՝ որպես Աստծո պատկերը կրողին: Հարգիր մերձավորիդ՝ առանց տարբերակելու նրա տարիքը, սեռը, ազնվական լինելը և աստիճանաբար քո սրտում կհիմնավորվի սուրբ սերը»:

 

Կարինե Սուգիկյան

19.01.18
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․