Հնարավո՞ր է ծովը դատարկել

Ըստ ավանդության, երբ սուրբ Օգոստինոսը, Սուրբ Երրորդության խորհրդի մասին մտորելով, զբոսնում էր ծովափին՝ մի տղայի տեսավ, ով փոս էր փորել ավազի մեջ և ծովախեցիով ծովից ջուրը վերցնելով՝ լցնում էր դրա մեջ: Երանելի Օգոստինոսը հարցրեց, թե ինչու է այդպես անում: Տղան պատասխանեց.

- Ուզում եմ ողջ ծովն այս փոսի մեջ դատարկել:

Օգոստինոսը քմծիծաղելով ասաց, որ դա անհնար է:

- Իսկ դու ինչպե՞ս ես փորձում Տիրոջ անսպառելի խորհուրդը քո խելքով սպառել,- ասաց տղան ու անհետացավ:

Ռուսերենից թարգմանությունը՝ Էմիլիա Ապիցարյանի