Հնազանդության մասին

Ոմն ծեր մի սուրբ աշակերտ ուներ, որը չափազանց հնազանդ էր, և որքան հակառակ և խոտորնակ բաներ ասեր ծերը` կատարում էր ամենայն ուրախությամբ, փութով, հավատով և սիրով: Երբ պետք էր լինում, ծերը նրան չուխա էր տալիս կարելու, և երբ կարում, վերջացնում էր, ծերը հարցնում էր և ասում. «Կարեցի՞ր, որդյա՛կ»: Եվ նա ասում էր. «Այո՛, կարեցի, հա՛յր»: Ծերը նրան ասում էր. «Տա՛ր և տո՛ւր այսինչ եղբորը»: Եվ նա նույն ուրախությամբ տանում էր, և ծերը էլի էր տալիս, և նա այս անում էր բազում անգամ: Եվ իր կյանքի բոլոր օրերին նա ո՛չ տրտմեց, ո՛չ ձանձրացավ, ո՛չ էլ անհնազանդության նշույլ ցույց տվեց հորը, և ինչ որ ասում էր նրան ծերը` լսում էր երանելի եղբայրը՝ որպես Աստծո բերանից:

«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016