Հոգևոր առաջնորդի որոնումը

Մի վանական հոգևոր առաջնորդ էր փնտրում իր համար և իմացավ, որ մի գյուղում մի ճգնավոր է ապրում, ով գիշեր-ցերեկ հոգու փրկությամբ է զբաղված: Եվ վանականն ուղևորվեց սուրբ ծերի մոտ:

- Ուզում եմ, որ առաջնորդես ինձ հոգու ճամփաներում,- ասաց ճգնավորին:

- Հոգին իր սեփական ուղին ունի,- պատասխանեց անապատականը,- և հրեշտակն է առաջնորդում այդ ճանապարհով: Անդադար աղոթիր:

- Ես չեմ կարողանում այդպես աղոթել: Սովորեցրու, թե ինչպես է պետք աղոթել:

- Եթե չես կարողանում անդադար աղոթել՝ Աստծուն խնդրիր, որ սովորեցնի քեզ:

- Այդպես էլ ոչինչ չսովորեցրիր ինձ,- հիասթափված ասաց վանականը:

Ռուսերենից թարգմանությունը՝ Էմիլիա Ապիցարյանի