Գրքեր

Հոգևորականի խոնարհումը

Մի մարդ հանդիպեց իր ծանոթներից մեկին, ով նախկինում մոլի հարբեցող ու հայտնի կռվարար էր: Նայեց նրան ու միանգամից նկատեց, որ փոխվել է՝ ներկայանալի տեսք ունի, կոկիկ է հագնված, աչքերում լույս է փայլում: Հարցրեց, թե ինչ նորություններ կան նրա կյանքում և իմացավ, որ նրա որդին հոգևորական է դարձել: Մարդը զարմացավ. «Այդպիսի հոր որդին իր կյանքն Աստծուն ծառայելուն է նվիրել»: Իսկ ծանոթը շարունակեց, ասելով, որ որդու միջոցով ինքն էլ է հավատի եկել և արմատապես փոխել իր սխալ ուղին:

- Մի՞թե հնարավոր է,- զարմացավ այդ մարդը:

- Մի անգամ,- պատմեց նախկին հարբեցողը,- ամենավերջին բառերով վիրավորեցի որդուս: Իսկ նա խոնարհվեց իմ առջև ի պատասխան, և ներողություն խնդրեց: Որդուս այդ արարքը հոգիս տակնուվրա արեց: Ես պատկերացնել անգամ չէի կարող, որ նա, հոգևորական լինելով, ինձ նման տականքից ներողություն կխնդրի: Ես նրա ողջ մանկությունը փչացրեցի, իսկ նա ինձնից ներողություն խնդրեց: Այդ պահին ինչ-որ բան տեղի ունեցավ ինձ հետ: Թողեցի խմելն ու փողոցներում քարշ գալը: Աստծուն հավատացի և ուրիշ մարդ դարձա:

 

Ռուսերենից թարգմանությունը՝ Էմիլիա Ապիցարյանի 

20.09.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․