Գրքեր

Ի՞նչ ես փնտրում

Մի անգամ քաղաքի դարպասների մոտ նստած ծերունուն մի պատանի մոտեցավ և հարցրեց.

- Ոչ մի անգամ այստեղ չեմ եղել: Ասա՛ ինձ, ծերունի՛, ինչպիսի՞ մարդիկ են ապրում այս քաղաքում:

Ծերունին հարցով պատասխանեց նրան.

- Իսկ ինչպիսի՞ մարդիկ էին ապրում այն քաղաքում, որտեղից հեռացար:

- Չար ու եսասեր մարդիկ էին: Հենց այդ պատճառով էլ ուրախությամբ հեռացա այնտեղից:

- Այստեղ ճիշտ նույնպիսի մարդկանց կհանդիպես,- պատասխանեց նրան ծերունին:

Քիչ անց մեկ այլ երիտասարդ մոտեցավ նրան ու նույն հարցը տվեց: Ծերունին էլ կրկին հարցով պատասխանեց հարցին.

- Ասա՛, որդյա՛կ, ինչպիսի՞ն էին քո քաղաքի մարդիկ:

- Օ՜, բարի, հյուրասեր ու վեհանձն մարդիկ էին: Շատ ընկերներ ունեի այնտեղ և դժվար էր նրանցից բաժանվել:

- Նման մարդկանց էլ այստեղ կգտնես,- պատասխանեց ծերունին:

Քաղաքի բնակիչներից մեկը, որը հետևում էր այդ ողջ տեսարանին, մոտեցավ ծերունուն ու հարցրեց.

- Ինչո՞ւ մեկին ասացիր, որ այստեղ սրիկաներ են ապրում, իսկ մյուսին՝ լավ մարդիկ:

- Ամենուր էլ և՛ լավ, և՛ վատ մարդիկ կան,- պատասխանեց ծերունին:- Ուղղակի յուրաքանչյուրը գտնում է միայն այն, ինչ փնտրում է…

 

 

Ռուսերենից թարգմանեց Էմիլիա Ապիցարյանը

19.04.19
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․