Խաչի զորությունը

Երեք աղջիկ քայլում էին երկաթգծերով և հայտնվեցին հանդիպակաց ընթացող գնացքների արանքում, սակայն ողջ մնացին: Նրանց կողքին կանգնած դևերը սարսափելի վիճում էին.

- Ինչո՞ւ առաջինին գնացքի տակ չգցեցիր,- գոռում էին մեկի վրա,- նրա հոգին մերը կլիներ:

- Չէի կարող, նրա պարանոցից խաչ է կախված:

- Իսկ դու ինչո՞ւ հապաղեցիր: Երկրորդն էլ հո առանց խաչի է,- գոռում էին մյուսի վրա:

- Թեկուզ առանց խաչի է, բայց խաչակնքվեց:

- Իսկ դու ինչ է, քնե՞լ էիր, ախր երրորդը լրիվ անհավատ է,- հարցրեցին մյուսին:

- Անհավատն անհավատ է, բայց նրա մայրը տնից դուրս գալիս խաչակնքեց նրա ետևից ու ասաց. «Աստված քեզ հետ, աղջի՛կս»:

Ռուսերենից թարգմանությունը՝ Էմիլիա Ապիցարյանի