20 Ապրիլ, Շբ, Հինանց ԻԱ օր
Քահանաներ Ծխական խորհուրդ Տիկնանց միություն Երիտասարդաց միություն Ցերեկային կենտրոն 
Քրիստոնյա ընտանիք Հարցազրույցներ Ուխտագնացություն Սոցիալական ծառայություն
Գրքեր
Նավասարդ Սրբազանի զատկական ուղերձը
Սիրելի՛ հավատավոր զավակներ,
Հայոց եկեղեցիների գմբեթների ներքո քաղցրաբարբառ հնչյուններով թևածում է կենսաբեր ավետիսը. «Քրիստոս յարեա՜ւ ի մեռելոց»: Եվ երկինք ու երկիր միաձայն գովերգում են ու ասում. «Փա՜ռք Քրիստոսի Ամենազոր Հարությանը»:
Սիրելինե՛ր, եկեք բյուրեղացնենք և զորացնենք մեր հավատքը Հիսուս Քրիստոսի Հարությամբ շնորհված ճշմարտության վրա: Ապրենք վեհագույն արժեքներով՝ երկրային կյանքի մեջ ամրագրելով հավիտենությունը, քանզի Երկնքի արքայությունը միայն երկնքում չէ, այն մե՛ր մեջ է, մեր ներաշխարհում, Տիրոջ խոսքերով՝ «արքայութիւնն երկնից ի ներքս ի ձեզ է» (Ղուկաս ԺԷ 21):
Թող Բարեսեր Աստված Իր Հրաշափառ Հարությամբ նորոգի մեր հոգիները, ցանի սիրո կենարար հունդերը մեր սրտերի մեջ և պարգևի փրկարար, գթառատ ու հոգեշահ ներշնչանքներ՝ ի բարօրություն մեր ազգի և Հայրենիքի:
Զատկական բերկրությամբ և հարուցյալ Տիրոջ օրհնությամբ՝
ՆԱՎԱՍԱՐԴ ԱՐՔԵՊԻՍԿՈՊՈՍ ԿՃՈՅԱՆ
21.04.19
