Գրքեր

Ոչինչ ի ցույց մարդկանց չանելու մասին

Ալեքսանդրիայի ոմն իշխան կամեցավ տեսնել հայր Պիմենին, իսկ ծերը չցանկացավ ընդունել նրան: Իշխանը որոշեց չար հնարք գործադրել, և կալանավորելով նրա քրոջ որդուն` բանտ գցեց և ասաց. «Թող գա Պիմենը և աղաչի՛ ինձ, և ապա ազատ կարձակեմ հանուն նրա»: Այն ժամանակ տղայի մայրը` Պիմենի քույրը, գալով Պիմենի մոտ՝ կանգնեց դռան առաջ և ողբալով ասաց նրան. «Օգնի՛ր իմ որդուն»: Իսկ ծերը բնավ չնայեց նրա կողմը և չխոսեց նրա հետ: Իսկ քույրն անարգեց նրան և ասաց. «Պղնձե՛ աղիք, ողորմի՛ր ինձ, ահա իմ անդրանիկն ու քո որդին բանտում է»: Իսկ ծերն ասաց. «Պիմենը որդի չունի»: Եվ այդպես գնաց քույրը: Իսկ երբ այդ լսեց իշխանը, ասաց. «Ուրեմն թող խոսքո՛վ պատվիրի, և ես կարձակեմ նրան»: Եվ ծերն իշխանին այսպես պատվիրեց. «Դատի՛ր դրան ըստ արքունի օրենքների, և եթե մահվան արժանի բան է գործել, թո՛ղ մեռնի, իսկ եթե ոչ` շնորհի՛ր ինձ»: Եվ իշխանը շնորհեց նրան իր քրոջ որդուն և ոչ մի հնարքով չկարողացավ տեսնել նրան:

 

«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016

18.01.24
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․