Գրքեր

Օգնության շտապող առաքինությունը

Դեկտեմբերի 26-ին, Զորավոր Ս. Աստվածածին եկեղեցու և «Արև-երեխաներ» երեխաների առողջության և զարգացման կենտրոնի հետ համատեղ սոցիալական ծրագրերի շրջանակում, հոգևոր հովիվ Տեր Գրիգոր քահանա Գրիգորյանը Հարությունյան Հայկուշին (49տ.) հանձնեց դրամական օգնություն (100 ԱՄՆ դոլար), որ տրամադրել էր ամերիկաբնակ Կարեն Վարդանյանը: Վեց զավակներով հարուստ Հարությունյան ընտանիքը բնակվում է Արմավիր քաղաքի Սահմանապահներ 114 հասցեում: Ընտանիքի մայրը նշեց, որ իրենք հայտնվել են ֆինանսական մեծ դժվարությունների մեջ. «Ամուսինս մշտական աշխատանք չունի, չափահաս տղաներս առողջական խնդիրների պատճառով չեն կարողանում ծանր աշխատանք կատարել, ապրում ենք ընտանեկան նպաստի և աղջկաս՝ Դաունի համախտանիշ ունեցող Գոհարին (9 տ.) տրամադրվող հաշմանդամության գումարներով: Գոհարը դժվարությամբ է շնչում, բժիշկներն ասում են, որ ռիսկային է քթի վիրահատությունը, քանի որ հնարավոր է փոքրիկն ընդհանուր անզգայացումից դուրս չգա»: Տիկին Հայկուշը ևս առողջական խնդիրներ ունի, բայց գումարի պատճառով չի կարողանում բուժհետազոտություններ անցնել: Նա իր երախտագիտությունը հայտնեց աջակից Վարդանյան ընտանիքին:

Ողորմածությունն այն սերն է, որ շտապում է օգնության, որ բխում է սրտից և լի է կարեկցանքով: Ողորմածությունն այն առաքինությունն է, որ պատկանում է Աստծո էությանը, և Ինքը՝ Տերն Իրեն անվանում է համբերատար, ողորմած և ճշմարիտ (Թվեր 14:18): «Օրհնյա՜լ լինի Աստված՝ մեր Տեր Հիսուս Քրիստոսի Հայրը, որ հայրաբար գթում և որպես Աստված մխիթարում ու զորացնում է մեզ մեր բոլոր նեղությունների մեջ, որպեսզի մենք էլ կարողանանք Աստծուց վայելած օգնությունն ու մխիթարությունը տալ նրանց, որոնք ամեն տեսակ նեղությունների մեջ են» (Բ Կորնթ. 1:3),- ասում է Պողոս առաքյալը:

 

Կարինե Սուգիկյան

26.12.18
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․