Օգտակար խրատներ պոռնկությունից զգուշանալու մասին

Չորս եղբայրներ ուխտեցին սիրով մնալ կրոնավորության մեջ, որպեսզի Աստված մի տեղում հանգչեցնի իրենց: Նրանցից երկուսը մեռան և գնացին հանգստի, իսկ ողջ մնացածներից մեկն ընկավ պոռնկության մեջ: Եվ մինչ սա վերադառնում էր այնտեղից, ի Քրիստոս գնացածներն աղաչում էին, որ առյուծն ուտի նրան մեղքերի դիմաց, որպեսզի գա իրենց մոտ, իսկ խցում մնացած եղբայրն աղաչում էր Աստծուն, որ նա ողջ գա տուն: Եվ Տերը պատասխանեց իր մոտ եղող հոգիներին, թե Ինքը պետք է նրան  լսի, ով տակավին պայքարի մեջ է, և ոչ թե՝ իրենց, որ հանգստի մեջ են: Մեղանչած եղբայրն ազատվեց առյուծից, որ հարձակվել էր նրա վրա, գալով խոստովանեց իր հանցանքը և հասավ իր նախկին սրբության չափին: Այս ամենը տեսան երկու  ծերեր և պատմեցին մեզ:

«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016