23 Նոյեմբեր, Եշ, Հիսնակաց պահքի Դ օր

Գրքեր

«Որքա՜ն բարիք է լինում ողորմությունից»

«Եթե յուրաքանչյուր անձ իր հնարավորության սահմաններում բարին գործի, ապա բարու հնարավորությունները կդառնան անսահման»,- ասել է աբխազ գրող, հրապարակախոս Ֆազիլ Իսկանդերը: Բարու մեջ հարատևել նշանակում է անսահման բարության բերկրանքը տարածել: «Որքա՜ն բարիք է լինում ողորմությունից, իսկ մենք հեղգանում ենք և հոգ չենք տանում: Տուր հնարավորությանդ չափով հաց: Հաց չունես, մի գրոշ տուր: Այդ էլ չունես՝ տուր մի բաժակ սառը ջուր: Այդ էլ չկա՝ լացիր տարաբախտի հետ և կստանաս պարգև, քանի որ պարգևը տրվում է ոչ ստիպողաբար տալու ժամանակ, այլ բարի կամեցողության ժամանակ» (Ս. Հովհան Ոսկեբերան):

Հոկտեմբերի 24-ին, Զորավոր Ս. Աստվածածին եկեղեցում, հոգևոր հովիվ Տեր Գրիգոր քահանա Գրիգորյանը Սահակյան Քրիստինեին (25 տ.) հանձնեց դրամական օգնություն (100 ԱՄՆ դոլար), որ տրամադրել էր ամերիկաբնակ Կարեն Վարդանյանը: Քրիստինեն ամուսնալուծված է և իր երկու որդիների հետ վարձակալությամբ բնակվում է Կոտայքի մարզի քաղաք Բյուրեղավանի Վ. Սարգսյանի փ. 25 շ. 10 բն. հասցեում: «Ընտանեկան նպաստը, որ ստանում եմ, բավարարում է միայն տան վարձը վճարելու համար: Ճանապարհածախս անգամ չունեմ, որ աշխատանք փնտրեմ: Հարևաններն են շատ հաճախ օգնության ձեռք մեկնում՝ երեխաներիս հագուստ տրամադրելով»,- ասաց Քրիստինեն, ով իր շնորհակալությունը հայտնեց Տեր Գրիգորին և աջակից անձին:

 

Կարինե Սուգիկյան

24.10.17
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․