Գրքեր

Որտե՞ղ աղոթել

Մի անգամ ուխտավորներից մեկն օպտինյան աբեղա Վասիլիին հարցրեց. «Աստված ամենո՞ւր է»: «Այո՛»,- պատասխանեց նա: «Մենք ամենուր կարո՞ղ ենք աղոթել»: «Իհա՛րկե»: «Հապա չորս եկեղեցին ձեր ինչի՞ն է հարկավոր: Մի՞թե վանականները չեն կարող իրենց խցերում աղոթել, իսկ մենք՝ տանը: Աստված մեր հոգում է»: Այնժամ հայր Վասիլին շատ կարևոր խոսքեր ասաց. «Յուրաքանչյուր աղոթք լավ է, օգտակար և գովելի, բայց տանն ու խցում արված աղոթքը կարելի է համեմատել նավակով նավարկելուն, երբ փոթորկուն ծովում անհրաժեշտ է շարունակ ինքնուրույն թիավարել: Իսկ եկեղեցական աղոթքը մեծ նավով նավարկելու պես է, որը նույնիսկ ինը բալանոց փոթորիկը կարող է հաղթահարել և հասնել իր նպատակակետին»: Ուստի, եթե ուզում եք, կարող եք ինքներդ նավակով նավարկել, սակայն դա հաճախ վտանգավոր է լինում: Այդ պատճառով մենք մեծ նշանակություն ենք տալիս եկեղեցական աղոթքներին, այդ երկար կարգերին: Պարզվում է դրանք ոմանց համար երկար են, իսկ ոմանց համար՝ այնքան էլ չէ…

 

Ռուսերենից թարգմանեց Էմիլիա Ապիցարյանը

17.04.19
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․