Ո՞վ է ավելի հաճո Աստծուն

Մի վանական եղբայր ծեր վանականներից մեկին ասաց.

- Երկու վանական եղբայրներ կան: Մեկն իր խցից դուրս չի գալիս, անընդհատ աղոթում է, շաբաթվա վեց օրը պահք է պահում և ամեն կերպ ճնշում է մարմինը: Իսկ մյուսը հիվանդներին է խնամում: Այս երկուսից ո՞վ է ավելի հաճո Աստծուն:

Ծերունին պատասխանեց.

- Վեց օր պահք պահող եղբայրը, եթե նույնիսկ իրեն ծոծրակից էլ կախի, միևնույն է, չի կարող համեմատվել այն եղբոր հետ, ով հիվանդներին է խնամում:

Ռուսերենից թարգմանությունը՝ Էմիլիա Ապիցարյանի