Գրքեր

Ո՞վ ես

Մի անգամ վանականները խոսում էին խոնարհության մասին: Գազա քաղաքի անվանի քաղաքացիներից մեկը, լսելով այն խոսքերը, թե որքան մարդն ավելի է մոտենում Աստծուն, այնքան ավելի մեղավոր է իրեն տեսնում, զարմացավ և ասաց.

- Դա ինչպե՞ս է հնարավոր:

Եվ չհասկանալով, ցանկացավ իմանալ, թե այդ խոսքերը ինչ են նշանակում: Մի վանական նրան ասաց.

- Մեծանո՛ւն պարոն, ասա՛ ինձ, դու քեզ ո՞վ ես համարում քո քաղաքում:

Նա պատասխանեց.

- Ինձ առաջինն ու մեծ եմ համարում իմ քաղաքում:

- Իսկ եթե Կեսարիա գնաս, ապա այնտեղ քեզ ո՞վ կհամարես:

- Այնտեղի աստիճանավորներից վերջինը:

- Իսկ եթե Անտիոք ուղևորվես, այնտեղ քեզ ո՞վ կհամարես:

- Ես ինձ այնտեղ մի սովորական մարդ կհամարեմ:

- Իսկ եթե Կոստանդնուպոլիս գնաս և թագավորին մոտ լինես, այնժամ քեզ ո՞վ կհամարես:

- Համարյա աղքատ մեկը:

- Ահա այդպես էլ սրբերն են,- ասաց վանականը,- որքան ավելի են Աստծուն մոտենում, այնքան ավելի մեղավոր են իրենց տեսնում: Աբրահամը, երբ տեսավ Տիրոջը, իրեն հող ու մոխիր անվանեց:

 

Ռուսերենից թարգմանությունը՝ Էմիլիա Ապիցարյանի

14.09.17
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․