Պահպանեք կյանքի կանթեղը

Պորֆիրիոս ծերն իր հոգեզավակներից մեկին ասաց, որ նա այսքան տարի կապրի: Երբ այդ մարդն իր առողջությունը վտանգի ենթարկեց, ծերը հայտարարեց, որ նա կարող էր մահանալ: Տարակուսանքով լի այն հարցին, թե դա ինչպես է համապատասխանում նախկինում ասվածին, ծերը պատասխանեց. «Այն, ինչ քեզ ասացի՝ ճշմարիտ է: Ոչինչ չի փոխվել: Քո կյանքի կանթեղն այնքան տարիների ձեթ ունի, որքան քեզ ասացի: Բայց եթե դու այն շրջես, ապա ձեթը կթափվի և կանթեղը կհանգչի: Այդպիսին է կյանքը: Աստված մեզ կյանքի թանկարժեք պարգևն է տալիս, մենք այն ընդունում ենք և պարտավոր ենք պահպանել, այլ ոչ թե վտանգների ենթարկել, այն էլ՝ անիմաստ»:

Ռուսերենից թարգմանությունը՝ Էմիլիա Ապիցարյանի