Գրքեր

Փորուրար

Փորուրարը քահանայական ուրարն է: Այն սկիզբ է առել սարկավագի ուրարից, իսկ ձևը՝ ձեռնադրության արարողությունից: Ձեռնադրող եպիսկոպոսը սարկավագի ձախ ուսից կախված ուրարը նաև աջին է գցում և բերում առջևի կողմը ու միացնում իրար:

Փորուրարը քահանայական իշխանության խորհրդանիշն է, այսինքն՝ այն Քրիստոսի ծանր լծի, բայց միևնույն ժամանակ քաղցր բեռի նշանակությունն ունի. «Առե՛ք Իմ լուծը ձեզ վրա», որը քահանան ամբողջովին իր վրա է վերցնում, իսկ սարկավագը միայն մասամբ` իր ուսի վրա: Միևնույն ժամանակ, Տիրոջ օրինակով, այն նշանակ է խոնարհության, հեզության և արդարության, որով պետք է քահանան զարդարի իր սիրտը, ինչպես նաև՝ նվիրում, համբերություն՝ կատարելու իր վրա դրված պարտականությունները:

Քահանայական փորուրարը միակտոր է, սարկավագական ուրարի երկու լայնքի չափով (մոտ 25-30 սմ), ծածկում է կուրծքը և հասնում մինչև ոտքերի ծայրը, վերևից մի փոքր բացվածքով: Կան, որ վերևի մասի բացվածքը անցկացվում է վզի շուրջը և ետևից կոճկվում է կամ էլ ամրակով կապվում: Փորուրարը ունենում է վրան 2-3 խաչ:

Եկեղեցական մեկնաբանության համաձայն՝ փորուրարը խորհրդանշում է նաև ստացած աստվածային շնորհի առավելությունը: Քահանան, փորուրարը կրելով, խորհրդանշորեն ներկայացնում է Սուրբ Հոգու շնորհների բաշխումը հավատացյալներին իր աստիճանի միջոցով:

18.03.15
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․