Գրքեր

Քրիստոնյան կոչված է սիրո ծառայության

 Արարչաստեղծ մարդու կարևորագույն կոչումներից է սիրո ծառայությունը: Առաքյալներից Հովհաննեսը կոչվել է սիրո առաքյալ. նա կարողացավ գործով մարմնավորել պատվիրաններից մեծագույնը՝ սիրո պատվիրանը՝ մեծագույն սեր ցուցաբերելով Աստծու և մերձավորների հանդեպ: Քրիստոնյայի համար կարևորը ոչ թե լինելն է, այլ քրիստոնեաբար ապրելը: Հավատքով, աղոթքով և սիրո ծառայությամբ ճշմարիտ քրիստոնյան գործածում է իրեն շնորհված քանքարները՝ պարգևները, չնմանվելով ավետարանական առակներից մեկում (Մատթ.25:14-30) ներկայացված այն անձին, որ թաքցրեց իր քանքարը: Քրիստոնյան՝ որպես տնտես, կոչված է Տիրոջ կողմից շնորհված պարգևներն ու բարիքները հանուն մերձավորի գործածելու: «Ձեզնից յուրաքանչյուրը՝ որպես Աստծու բազմատեսակ պարգևների իսկական տնտես, թող իր ստացած շնորհը մատակարարի ուրիշներին»,- ասել է Պետրոս առաքյալը (Ա Պետր. 4:10): Սիրո ծառայության կոչված անձը նաև երախտագետ սիրտ ունի: Հուլիսի 29-ին Զորավոր Ս. Աստվածածին եկեղեցու հոգևոր հովիվ Տեր Գրիգոր քահանա Գրիգորյանը, ՀՀ ԶՈՒ հոգևոր առաջնորդ Տ․ Մովսես վրդ․ Սարգսյանի միջնորդությամբ, որպես սիրո և երախտագիտության արտահայտություն, Հայրապետյան Հրանուշին (42 տ.) փոխանցեց 100 000 դրամ, որ տրամադրել էր ամերիկաբնակ Կարինե Ավագյանը: Հրանուշն իր ամուսնու, սկեսուրի, տղայի և աղջկա հետ բնակվում է Գեղարքունիքի մարզի Մարտունու շրջանի Ծակքար գյուղի 2-րդ փակուղի, 5-րդ փ., 6-րդ տ. հասցեում: Հրանուշի որդին՝ Ղուկասյան Կոմիտասը՝ որպես ժամկետային զինծառայող, մասնակցել է արցախյան վերջին պատերազմին և զոհվել հոկտեմբերի 10-ին, Ջրականի շրջանում: Զոհված հերոսի մայրն իր երախտագիտությունը հայտնեց աջակից անձին:

 

Կարինե Սուգիկյան

29.07.22
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․