23 Հունվար, Գշ, Առաջավորաց պահքի Բ օր

Գրքեր

Քրիստոնյայի կոչումը

Քրիստոնյայի համար կյանքի կարևորագույն նպատակն Աստծո հետ միավորումն է: Այդ առաքելությամբ ապրել և այն կյանքի կոչել, նշանակում է դառնալ աստվածային լույսի և սիրո ճառագայթը: Քրիստոսի երկրային ողջ կյանքը սիրո գործնական արտահայտությունը եղավ: Մեր Տերը, ինչպես ասում է Ս. Պետրոս առաքյալը, տվեց մեզ թանկագին և մեծամեծ խոստումներ, որպեսզի դրանցով հաղորդակից լինենք աստվածային բնությանը: Այդ պատճառով, առաքյալի հորդորի համաձայն, ջանք գործադրենք, որ մեր հավատով ձեռք բերենք առաքինություն, առաքինությամբ՝ գիտություն, գիտությամբ՝ ժուժկալություն, ժուժկալությամբ՝ համբերություն, համբերությամբ՝ աստվածպաշտություն, աստվածպաշտությամբ՝ եղբայրասիրություն, եղբայրասիրությամբ էլ՝ սեր: Ըստ Ս. Պետրոսի առաքյալի՝ այս առաքինություններն ունեցողը կլցվի մեր Տեր Հիսուս Քրիստոսի գիտությամբ և անգործ ու անպտուղ չի մնա (Բ Պետրոս 1:4-9):

Զորավոր Ս. Աստվածածին եկեղեցու համայնքը, ԱՀԹ առաջնորդական փոխանորդ Գերաշնորհ Տ. Նավասարդ արք. Կճոյանի օրհնությամբ, սոցիալական ծրագրերի իրագործմամբ ջանում է կառչած մնալ այն կոչմանը, որին կոչված է աստվածային սերն ունեցող յուրաքանչյուր անձ:

Հունիսի 2-ին, Զորավոր Ս. Աստվածածին եկեղեցում, հոգևոր հովիվ Տեր Գրիգոր քահանա Գրիգորյանը Շառապչյան Ռուզաննային (53 տ.) հանձնեց դրամական օգնություն (100 ԱՄՆ դոլար), որ տրամադրել էր ամերիկաբնակ Կարեն Վարդանյանը: Ռուզաննան իր եղբոր ընտանիքի հետ բնակվում է Գուսան Շերամի փողոցի 19/5 հասցեում: Հինգ հոգուց բաղկացած Շառապչյան ընտանիքում միայն Ռուզաննայի հարսն է աշխատում: Ռուզաննան վեց անգամ վիրահատվել է, 1-ին խմբի հաշմանդամ է և հենաշարժողական խնդիր ունի, իսկ նրա եղբայրը ողնաշարային խնդիր ունի: Ռուզաննան իր շնորհակալությունը հայտնեց Տեր Գրիգորին, համայնքին և աջակից անձին՝ իր ընտանիքի հանդեպ ուշադրություն և հոգածություն ցուցաբերելու համար:

 

Կարինե Սուգիկյան

02.06.17
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․