Քահանաներ Ծխական խորհուրդ Տիկնանց միություն Երիտասարդաց միություն Ցերեկային կենտրոն 
Քրիստոնյա ընտանիք Հարցազրույցներ Ուխտագնացություն Սոցիալական ծառայություն
Սերմնացանի առակի մեկնությունից
Սերմնացանի առակում ասվում է, որ հողի վրա ընկած սերմերը պտուղ տվեցին մեկի դիմաց երեսուն, մեկի դիմաց վաթսուն, մեկի դիմաց հարյուր (Մատթ. 13.8, Մարկ. 4.8): Երեսունը նրանք են, ովքեր աշխարհի մեջ կարողանում են ապրել իբրև բարի քրիստոնյա: Վաթսունը նրանք են, ովքեր զրկանքների և ճգնությունների ենթարկելով իրենց մարմինը` արժանի են դառնում Երկնքի Արքայության ըստ ավետարանական հետևյալ խոսքի. «Հովհաննես Մկրտչի օրերից մինչև այժմ Երկնքի Արքայությունը բռնադատվում է, և հզորներն են հափշտակում այն» (Մատթ. 11.12): Իսկ հարյուրը հենց նրանք են, ովքեր հանուն Քրիստոսի հեղել են իրենց արյունը:
Ըստ մեկ այլ մեկնության` հարյուրը կուսության և կամ մարտիրոսության առաքինությունն ունեցողներն են, վաթսունը` կրոնավորությունը և ապաշխարությամբ մեղքերի մաքրումը, իսկ երեսունը ամուսնական կյանքով ապրող բարի քրիստոնյաներն են:
Տեր Ադամ քհն․ Մակարյան
«Քրիստոնեության իսկությունը» գրքից
