19 Նոյեմբեր, Բշ, Հիսնակաց պահքի Ա օր

Գրքեր

Շնորհավորում ենք Ն.Ս.Օ.Տ.Տ. Գարեգին Բ Վեհափառ Հայրապետի տարեդարձը

Վեհափա՛ռ Տեր,

Արարատյան Հայրապետական թեմի հոգևոր դասի և հավատավոր զավակների անունից շնորհավորում ենք Ձերդ Սրբությանը՝ ծննդյան տոնի առթիվ:

Աստվածային նախախնամությամբ Հայաստանի առաջ ծառացած պատմական մարտահրավերները հաղթահարելու բարդ ժամանակաշրջանում հենց Ձեզ հանձնվեց առաքելահիմն մեր Եկեղեցու հայրապետը լինելու ծանր, բայց և միևնույն ժամանակ՝ քաղցր լուծը: Ձեզ վստահվեց այն «հուժկու ցուպը», որով Դուք պիտի շարունակեիք մեր նախորդ կաթողիկոսների հայրենաստեղծ ու հայրենապահպան գործունեությունը Հայաստանում և ի սփյուռս աշխարհի:

Այս տարիների ընթացքում Ձեր անձանձիր աշխատանքի ու անսահման հոգածության շնորհիվ հարյուրավոր եկեղեցիներ են կառուցվել և նորոգվել, կյանքի են կոչվել բազմաթիվ սոցիալական ու բարեգործական ծրագրեր: Ձեր ուշադրության ու աջակցության ներքո են եղել մատաղ սերնդի դաստիարակության, կրթության ու հոգևոր սնունդ տալու կարևորագույն  նախաձեռնությունները:

Վեհափա՛ռ Տեր,

Աղոթում ենք, որ Բարձրյալն Աստված քաջառողջություն և երկար տարիների արդյունաշատ իրագործումներ պարգևի՝ Հովվապետի նվիրական Ձեր սպասավորության մեջ: Թող Տիրոջ զորակցությունը և առաջնորդությունը առավել բեղումնալից դարձնեն Ձեր գահակալությունն՝ ի շահ և հօգուտ հայ ժողովրդի և ի պայծառություն Հայաստանյայց եկեղեցու:

 

Որդիական խոնարհութեամբ մատչիմք ի համբոյր Ձերդ Սրբութեան Սուրբ և Օծեալ Աջոյն

21.08.18
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․