«Սիրո առկայությամբ աշխարհը լիանում է սիրով» | Siro Arkayutyamb Ashkharhy Lianum E Sirov



Գրքեր

«Սիրո առկայությամբ աշխարհը լիանում է սիրով»

Ապրիլի 23-ին, Զորավոր Ս. Աստվածածին եկեղեցում, հոգևոր հովիվ Տեր Գրիգոր քահանա Գրիգորյանը սիրիահայ համայնքից Խանում Ղազարյանին (57 տ.) հանձնեց դրամական օգնություն (100 ԱՄՆ դոլար), որ տրամադրել էր ամերիկաբնակ Կարեն Վարդանյանը: Սիրիայում ծագած պատերազմական գործողությունների պատճառով տիկին Խանումն իր դստեր՝ Շնորհիկ Մանգուշյանի (21 տ.) հետ չորս տարի առաջ տեղափոխվել է Հայաստան: Սիրիահայ ընտանիքը վարձակալությամբ բնակվում է Շինարարների 99/22 հասցեում: Շնորհիկը Եվրոպական համալսարանի զբոսաշրջության ֆակուլտետի չորրորդ կուրսի ուսանողուհի է: Նրա ուսման վարձի 60 %-ը վճարում է ՀԲԸՄ-ն:

«Մյուս դուստրս ընտանիքով ևս Հայաստան եկավ, միայն ամուսինս մնաց Սիրիայում: Երբ մեզ Հալեպից տեղափոխեցին Հայաստան, ամուսինս այդ ժամանակ գյուղում էր, ուր այնքան լարված իրավիճակ էր, որ նա չկարողացավ այնտեղից դուրս գալ: Չորս տարի ամուսնուս մասին տեղեկություն չունեինք, միայն այս տարի կարողացանք տեղեկանալ, որ նա ողջ է»,- ասաց Խանում Ղազարյանը: Մեկ տարի է, ինչ սիրիահայ ընտանիքը ֆինանսական դժվարությունների մեջ է հայտնվել. տիկին Խանումն առողջական խնդիրների պատճառով ի վիճակի չէ աշխատելու: Նա երկու վիրահատություն է տարել, այս տարի մայիս ամսին էլ պետք է վիրահատեն նրա վահանաձև գեղձը: Առկա ֆինանսական խնդիրների պատճառով տիկին Խանումը չի կարողանում վճարել աղջկա ուսման և տան վարձերը: Նա անչափ շնորհակալ էր Տեր Գրիգորին և աջակից անձին, որ օգնության ձեռք մեկնեցին իր ընտանիքին:  

«Աշխարհը կործանում է նրան, ում մեջ բացակայում է Սերը, իսկ Սիրո առկայությամբ աշխարհը լիանում է սիրով: Ամենասարսափելին կյանքում Սերը կորցնելն է: Ձեռք բեր Սերը և ամեն ինչ կգտնես, չես գտնի Սերը, նշանակում է՝ ոչինչ չես գտնի: Ոչ ոք զրկված չէ Աստծուն և մերձավորին սիրելու հնարավորությունից, և նա, ով բողոքում է, թե չի տեսնում սեր Աստծուց և մերձավորից, ապա չի գործադրում ոչ մի ջանք, որ իրականություն դարձնի իրեն ընձեռնված հնարավորությունը»,- ասում է վանական Սիմեոն Աթոսացին:

 

Կարինե Սուգիկյան

 

23.04.18
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․