20 Նոյեմբեր, Գշ, Հիսնակաց պահքի Բ օր

Գրքեր

Սիրո պտուղները

Իմ ու հարևանիս միջև թշնամանք առաջացավ փշի պես՝ չէինք կարողանում միմյանց աչքերին նայել: Ձմեռային մի երեկո փոքր որդիս բարձրաձայն Նոր Կտակարանն էր կարդում ինձ համար և երբ կարդաց Փրկչի այն խոսքերը, թե՝ բարություն արեք ձեզ ատողներին (Մտթ. 5:44), բղավեցի. «Բավակա՛ն է»: Ողջ գիշեր չկարողացա քնել, անդադար մտածում էի, թե ինչպես կատարեմ Աստծո այդ պատվիրանը: Եվ մի անգամ հարևան տնից եկող բարձր լացի ձայն լսեցի: Հարցուփորձ անելով իմացա, որ հարկադիր կատարողները հարևանիս բոլոր անասուններին տարել են՝ պարտքերի դիմաց վաճառելու: Կայծակի նման մի միտք ծագեց գլխումս՝ ահա՛, Աստված քեզ հնարավորություն է տվել հարևանիդ բարություն անելու: Ես վազելով դատարան գնացի ու վճարեցի այն մարդու պարտքը, որին աշխարհում ամենաշատն էի ատում, և նրա անասուններին հետ վերադարձրի: Երբ նա իմացավ այդ մասին, երկար քայլում էր իր տան շուրջը՝ մտքերի մեջ խորասուզված: Երբ մթնեց, նա ձայն տվեց ինձ: Մոտեցա ցանկապատին ու ասացի. «Ինչո՞ւ ես կանչում»: Նա սկսեց սաստիկ հեծկլտալ ի պատասխան և ի զորու չլինելով բառ անգամ արտասանել՝ միայն լալիս ու լալիս էր: Այն օրվանից մենք հարազատ եղբայրներից էլ ավելի սիրով ենք ապրում:

 

Ռուսերենից թարգմանությունը՝ Էմիլիա Ապիցարյանի

11.09.18
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․