«Սիրո սահմանը անսահմանությունն է»

Մարդու էության մեջ անծայրածիր է սիրո ուժը: «Սերը անհագ բարիք է, այն չունի սահման: Սիրո սահմանը անսահմանությունն է»,- ասել է Ս. Հովհան Ոսկեբերանը: Սիրո անսահման օվկիանոսում ամեն մի կաթիլն իր առաքելությունն ունի: «Մենք զգում ենք, որ մեր արածը պարզապես մի կաթիլ ջուր է օվկիանոսում: Բայց եթե այդ կաթիլը չլինի, կարծում եմ, օվկիանոսը կզգա այդ կաթիլի պակասը» (Մայր Թերեզա):

Սեպտեմբերի 7-ին, Զորավոր Ս. Աստվածածին եկեղեցում, հոգևոր հովիվ Տեր Գրիգոր քահանա Գրիգորյանը Շուշիկ Դաբաղյանին (72 տ.) հանձնեց դրամական օգնություն (100 ԱՄՆ դոլար), որ տրամադրել էր ամերիկաբնակ Կարեն Վարդանյանը: Տիկին Շուշիկի ամուսինը տասնհինգ տարի առաջ մահացել է գլխուղեղի կաթվածից: Նա երկու որդի և մեկ դուստր ունի: Նրա զավակներից երկուսն ընտանիք են կազմել, իսկ երրորդը՝ Արմեն Մուրադյանը (49 տ.), 2-րդ խմբի հաշմանդամ է, նա որպես ազատամարտիկ մասնակցել է Արցախյան հերոսամարտին:

«Արդեն երեք տարի է, ինչ որդուս հետ բնակվում եմ աղջկաս տանը, քանի որ իմ բնակարանը զուրկ է ջրից, գազից և էլեկտրաէներգիայից: Տղաս պարբերաբար բուժումներ է ստանում հոգեբուժարանում, և մեր կարիքները փորձում ենք հոգալ թոշակների գումարներով»,- ասաց տիկին Շուշիկը՝ իր շնորհալակությունը հայտնելով Տեր Գրիգորին և աջակից անձին:

Կարինե Սուգիկյան