2 Հունիս, Գշ, Գ օր Հոգեգալստյան, Պահք

Գրքեր

«Սիրո շենքը կառուցվում է խոնարհության հիմքի վրա»

Աշխարհի Արարիչը, կատարյալ սեր լինելով, սիրով արարեց մարդուն՝ նրան շնորհելով մեծագույն պարգևը՝ սերը: Եվ մարդը՝ որպես սիրո զավակ, կոչված է սիրելու թե՛ Երկնավոր Հորը և թե՛ իր նմանին: Արարչագործության պսակը՝ մարդը, աշխարհը դիտում և ընդունում է այնպիսին, ինչպիսին ինքն է, իր երևակայությունը և իր կամքը: Սակայն մարդը խախտում է իր կոչումը, երբ հոգևոր տեսողությունից զուրկ լինելու պատճառով՝ իր համար աշխարհի կենտրոն է դարձնում իր «ես»-ը: Արդյունքում՝ Աստծո և մարդու հանդեպ սիրո պակասից առաջ են գալիս մի շարք դժվարություններ ու խնդիրներ, որոնք հնարավոր է հարթել միայն սիրո միջոցով: Սիրեցեք միմյանց,- ասում է Տերը,- եթե դուք միմյանց սիրեք, դրանով մարդիկ կիմանան, որ դուք Իմ աշակերտներն եք» (Հովհ. 13:35):

Հոկտեմբերի 25-ին, Զորավոր Սուրբ Աստվածածին եկեղեցում, հոգևոր հովիվ Տեր Գրիգոր քահանա Գրիգորյանը, Զորավոր Ս. Աստվածածին եկեղեցու և «Արև-երեխաներ» ՀԿ-ի սոցիալական ծրագրերի շրջանակում, Տոնոյանց Մարինային (48 տ.) հանձնեց դրամական օգնություն (100 ԱՄՆ դոլար), որ տրամադրել էր ամերիկաբնակ Կարեն Վարդանյանը: Մարինան իր մայրիկի և երկու զավակների հետ բնակվում է Դավիթաշեն 4-րդ թաղ., 11 շ., 38 բն. հասցեում: Ընտանիքի կրտսեր զավակը՝ Սամվելը (2 տ.), Դաունի համախտանիշ ունի: Երեխայի խնամքով զբաղված լինելու պատճառով Մարինան չի աշխատում, իսկ իրենց հասանելիք ընտանեկան նպաստի, իր մայրիկին ու երեխային տրամադրվող գումարներով կարողանում են միայն իրենց նվազագույն կարիքները հոգալ: Մարինան իր երախտագիտությունը հայտնեց աջակից Վարդանյան ընտանիքին՝ օգնության ձեռք մեկնելու համար:

Հայրաբանական գրականության մեջ կարդում ենք, որ մարդու հոգում ոչ մի կերպ չի կարող կառուցվել առաքինությունների շենքը, եթե նախ մարդու սրտում չդրվի ճշմարիտ խոնարհության հիմքը, այն էլ շատ ամուր, և միայն դա կարող է պահել կատարելության և սիրո վեր խոյացող շենքը: Խոնարհությունը թաքցնում է առաքինությունները՝ դրանք պահպանելու միտումով, բայց սերն ընդունակ է երևան հանելու առաքինությունները, քանի որ սերը միայն մարդկային առաքինություն չէ, այլ երկնային, ոչ այնքան բարոյական, որքան աստվածային, այն արեգակն է բոլոր առաքինությունների:

 

Կարինե Սուգիկյան

25.10.19
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․