Հարց 10 - Հնարավո՞ր է, որ դժողքում գտնվող դատապարտված հոգիները վերջապես, Աստծո արդարության շնորհիվ ազատվեն և արքայություն գնան:



Գրքեր
Հարց 10 - Հնարավո՞ր է, որ դժողքում գտնվող դատապարտված հոգիները վերջապես, Աստծո արդարության շնորհիվ ազատվեն և արքայություն գնան:

Պատասխան – Պետք է իմանալ, որ աստվածային կարողությունը երկու մասի է բաժանվում՝ Բացարձակ և Կարգյալ: Բացարձակ կարողությամբ Աստված այնպիսի բան կարող է անել, որ մենք չենք կարող հասկանալ: Ըստ Օգոստինոսի, այս Բացարձակ կարողությամբ դատապարտված հոգիները կարող են դժոխքից ազատվել: Իսկ Կարգյալ կարողությամբ հնարավոր չէ, որ դատապարտվածները դժոխքից ազատվեն, քանզի Կարգյալ կարողությամբ Աստված չի կամենում, որ չարն առանց պատճի մնա, իսկ բարին՝ առանց վարձի:

Քանի որ մարդն աշխարհի վրա է, իր չար գործը փոխելով՝ կարող է աստվածային վճիռը ևս փոխել. Աստված այն կփոխի Իր մարդասիրությամբ: Սուրբ Գրիգոր Նարեկացին Աստծուն ասում է. <<Որ միշտ հաղթվում ես գթությունից և չես թշնամանում, պարտվում ես ողորմությունից և չես պարսավում, և այլն>> (ԲԱՆ ԾԸ):

Ահա մի օրինակ. Եսային Աստծո հրամանով գալիս է Եզեկիայի մոտ և ասում. <<Պատվեր տուր տանդ համար, որովհետև մեռնելու ես, չես ապրելու>> (Եսայի 38:1): Ապա Եզեկիայի աղոթքի շնորհիվ Աստված տասնհինգ տարով երկարացրեց նրա կյանքը: Աստված նինվեցիների համար վճռեց. <<Եվս երեք օր, և Նինվեն պիտի կործանվի>> (Հովնան 3:5): Բայց երբ քաղաքացիները հրաժարվեցին իրենց չարությունից, Աստված փոխեց վճիռը:

Մարդ քանի աշխարհի վրա է, կարող է ընկնել և նորից ոտքի կանգնել: Եթե այսպես չլիներ, մարդու անձնիշխանությունը պիտի խափանվեր: Աստծո մարդասիրությունը բազմիցս զղջման շնորհ է պարգևում մարդուն, թեպետ բոլորը չէ, որ զղջում են, որովհետև այդ շնորհին տեղի չեն տալիս: Իսկ շատերն էլ, տեղիք տալով, զղջում են: Ուրեմն ժամանակավոր վճիռը կարող է փոփոխվել: Եթե աջակողմյան ավազակը և Մարիամ Մագդաղենացին առանց զղջալու մեռնեին, պիտի դատապարտվեին դժոխքի մեջ: Բայց որովհետև զղջացին՝ վճիռը փոխվեց:

ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․