Պատասխան – Ինչ-որ տեղ խորհուրդ էր, քանզի խորհուրդը սուրբ իրերի նշանն է: Քանի որ Հովհաննեսի մկրտությունը Քրիստոսի մկրտության նշանն էր, որն ինքնին սուրբ է, ուստի այս տեսանկյունից խորհուրդ էր: Բայց որովհետև շնորհների նշան էր, այլ ոչ թե պատճառ, ուստի կատարյալ խորհուրդ չի համարվում, քանի որ հոգի չի տալիս: Եվ որովհետև Հովհաննես Մկրտչի կողմից մկրտվածները նորից մկրտվեցին առաքյալների կողմից, հետևաբար խորհուրդ չէր, քանի որ խորհուրդն անկրկնելի է: