Հարց 95 – Եթե կարգ տվող եպիսկոպոսը տեղյակ չլինի ձեռնադրվողի որպիսությանը, վերջինիս ձեռնադրության հետ կապված, որևէ պակասություն կունենա՞:



Գրքեր
Հարց 95 – Եթե կարգ տվող եպիսկոպոսը տեղյակ չլինի ձեռնադրվողի որպիսությանը, վերջինիս ձեռնադրության հետ կապված, որևէ պակասություն կունենա՞:

Պատասխան – Եթե ձեռնադրողն ասի, թե ինքն անծանոթ էր ձեռնադրվողի որպիսությանը, չի կարող արդարանալ, քանզի Պողոս առաքյալն իր հարազատ Տիմոթեոս աշակերտին այսպես է գրում. «Ձեռքերդ շտապով որևէ մեկի վրա մի՛ դիր և ուրիշների մեղքերին մասնակից մի՛ եղիր, քեզ մաքո՛ւր պահիր» (Ա Տիմ. 5:22): Հովհան Ոսկեբերանը այսպես է գրում. «Այդպիսիների հանցանքն ավելի մեծ է, քանզի եթե չէին ճանաչում, ինչո՞ւ ընծայեցին, և եթե ինչ-որ պաշտպանության խոսք երևան գա, ընդհակառակը, պիտի շատացնի բամբասանքը: Քանզի ինչպե՞ս անտեղի չի լինի, եթե աշխարհականներից մեկը որևէ մեկին գնել կամենա, վերջինիս բժիշկներին ցույց տա և, երաշխավորներից գին պահանջի, և նրա մերձավորներից ստուգի ու այս ամենից հետո դարձյալ լիովին վստահ չլինի, նույնիսկ երկար ժամանակ խնդրի՝ փորձելու նրան: Իսկ նրանք, ովքեր մի անգամ որևէ մեկին հանձն են առնում այդպիսի սպասավորության կոչել, թերևս անխորհուրդ, իզուր և ուրիշների շնորհներից ելնելով են անում՝ վկայություն պիտի տան, դատվեն՝ առանց որևէ քննության: Եվ ո՞վ այդ ժամանակ մեզ որևէ բան կարող է ասել նրանց համար, ովքեր վերակացու պիտի լինեին, բայց շատերին կարոտ թողեցին» (Ճառ քահանայության մասին):

ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․