Պատասխան – Մեկնիչներն ասում են, թե մեծ բան գողացողը մեծ պատժի է արժանի: Արջառի գողությունը ոչխարինից մեծ է: Հետևաբար արջառ գողացողին հարկադրում էին հինգով հատուցել, որով արջառի տիրոջ կրած վնասը համարում էին փոխհատուցված, որովհետև ետ էր մնացել երկրագործությունից: Քանի որ այդ գործում ոչխարն անելիք չունի և որովհետև արջառի վաստակն ավելի շատ է, ուստի նրա փոխհատուցումը ևս մեծ էր լինում: