20 Մարտ, Դշ, Մեծ Պահքի ԺԷ օր

Գրքեր
Հարց 41 – Մեղավոր մարդու ձեռքով հրաշքներ լինո՞ւմ են:

Պատասխան – Երկու հանգամանք պետք է նկատի առնել հրաշքների վերաբերյալ. նախ՝ թե ինչու են տեղի ունենում և մյուսը՝ ինչ կերպ են կատարվում: Թե ինչու են տեղի ունենում. երբեմն հրաշքներ են լինում՝ ցույց տալու համար միայն Աստվածային կարողությունը, հրամանը, բարությունը՝ որպես մխիթարություն նեղության մեջ ընկածին կամ որևէ ուղիղ վարդապետություն ճշմարտելու համար: Այսպիսի սքանչելիքները երբեմն մեղավոր մարդու ձեռքով են լինում: Ինչպես. «Այն օրը շատերն ինձ պիտի ասեն. «Այն օրը շատերն ինձ պիտի ասեն. «Տե՜ր, Տե՜ր, չէ՞ որ քո անունով մարգարեացանք և քո անունով դևեր հանեցինք և քո անունով բազում զորավոր գործեր արեցինք»։ Եվ այն ժամանակ ես նրանց պիտի ասեմ. «Ես ձեզ երբեք չեմ ճանաչել, հեռո՛ւ կացեք ինձանից դուք ամենքդ, որ անօրենություն եք գործում» (Մատթ. 7:22-23):

Աստված մարդկանց ձեռքով ևս հրաշքներ է կատարում՝ նրանց անմեղությունն ու սրբությունը հայտնելու համար: Բայց այս կերպ եղած հրաշքները մեղավոր մարդու

ձեռքով չեն լինում, քանզի հրաշք ասվածը կնիքը և ստուգությունն են Աստվածային հրամանի: Ինչպես չի կարող ստել Աստված, նույնպես և ստի համար չի վկայում:

Արդ՝ հրաշքների կատարվելու կերպի մասին Օգոստինոսն այսպես է ասում. «Մարդը հրաշք է գործում՝ ինքն իրենից ոչինչ չունենալով, այլ անում է խաչի նշանով կամ Հիսուսի անունը տալով, կամ սրբերի մասունքներով: Այսպիսի հրաշքները կատարվում են Աստվածային զորությամբ կամ այն սրբերի շնորներով, որոնց մասունքներն են օգտագործվում: Այս դեպքում կարող է հրաշք կատարվել մեղավոր մարդու ձեռքով: Բայց այսպիսի հրաշքներով մեղավորը պատվարժան չի դառնում, այլ պատիվը հրաշքի տիրոջն է»:

Առաքյալները Հիսուսին ասացին. «Վարդապե՛տ, տեսանք մեկին, որը քո անունով դևեր էր հանում, բայց մեզ հետ չէր շրջում, և արգելեցինք նրան» (Մարկ. 9:37): Քրիստոս պատասխանում է՝ «Մի՛ արգելեք նրանց», քանզի հնարավոր է, որ չար մարդը ևս հաղորդ լինի այն շնորհին, որով կարելի է դևերը հալածել և հրաշք գործել: Սակայն որքան էլ ամբարիշտ ու չար լինի, չի կարող Հիսուսի անունով հրաշք գործել, ապա իսկույն Հիսուսին հայհոյել, որի համար Քրիստոս ասաց. «Ով մեզ հակառակ չէ, նա մեր կողմն է» (Մարկ. 9:39):

ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․