Ասացեք խնդրեմ, Աստված մարդուն փորձության տանում է, թե ոչ: Եթե ոչ ինչ է նշանակում ... մի տար մեզ փորձության:



Գրքեր
Ասացեք խնդրեմ, Աստված մարդուն փորձության տանում է, թե ոչ: Եթե ոչ ինչ է նշանակում ... մի տար մեզ փորձության:

Առանց փորձության կյանքը չի ընթանում: Այո՛, Քրիստոսն ինքը սովորեցրեց «Հայր մեր» աղոթքը: «Մի՛ տար մեզ փորձության» (Մատթեոս 6:13) կամ «Աղոթե՛ք, որպեսզի փորձության մեջ չընկնեք» (Մատթեոս 26:41): Աստված մադուն փորձության տանում է, բայց ոչ կործանելու համար: Փորձությունների ժամանակ են դրսևորվում մարդու առաքինություններն ու մեղքերը: Փորձությունները որ չլինեն, մարդն ինքը չի հասկանա, թե ինքը իր հավատի կյանքում որտեղ է գտնվում: Ինքը կարող է հանգիստ մտածել, որ ինքը արդեն մեծ առաջընթաց ունի, որ ինքը սրբության ճանապարհին շատ մոտ է: Բայց երբ փորձությունը գալիս է, մարդը տեսնում է իր ոչնչությունը, որ ինքը տարրական համբերություն չունի, որ ինքը դեռևս ընկերոջը չարախոսում է, իսկ իրեն սուրբ և անմեղ է ներկայացնում, և այլն, և այլն: Փորձությունները մարդուն անհրաժեշտ են կրթվելու, դաստիարակվելու համար՝ ըստ Աստուծո կամքի. «Բայց հավատարիմ է Աստված, որ ձեզ ավելի փորձության մեջ չի գցելու, քան կարող եք տանել, այլ փորձության հետ փրկության ելք էլ է ցույց տալու, որպեսզի կարողանաք համբերել» (Ա Կորնթ. 10:12):


 

ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․