Բացաատրեք խնդրում եմ,«Աստված է ստեղծել ամեն նյութական բան,և ասել է բարի է,մարմինը մեր հակառակ է հոգուն հոգին մարմնին» ասում է Աստվածաշունչը,ինչպես հասկանալ մարմնական որ ցանկությունն է բարի որը չար։



Գրքեր
Բացաատրեք խնդրում եմ,«Աստված է ստեղծել ամեն նյութական բան,և ասել է բարի է,մարմինը մեր հակառակ է հոգուն հոգին մարմնին» ասում է Աստվածաշունչը,ինչպես հասկանալ մարմնական որ ցանկությունն է բարի որը չար։

 Աստվածային արարչագործության մեծագույն պարգևը մարդն է, որը կրում է Աստծո պատկերն ու նմանությունը: Մարդը բաղկացած է իմանալի հոգուց և զգայական մարմնից: Ինչպես Գրիգոր Տաթևացին է ասում. «Զգալի մարմինը այնքան ծանրացել է հոգու վրա, որ շատերը կարծում են, թե մենք միայն մարմին ենք»: Եվ երբ մարդկային զգայական ցանկությունները չափի մեջ չեն մնում՝ դառնում են մարդու համար իսկական բռնակալներ և փոխարեն մեր մարմինները բանականության և կամքի կողմից կառավարվեն, դառնում են մեր անհագ ցանկությունների խաղալիք:

Պողոս առաքյալը, գաղատացիներին ուղղված իր թղթում, նշում է. «Բայց ասում եմ ձեզ. Հոգո՛վ ընթացեք և մարմնի ցանկությունը մի՛ կատարեք, քանի որ մարմինը Հոգու հակառակն է ցանկանում, իսկ Հոգին՝ մարմնի հակառակը» (Գաղ. 5:16-17) և այնուհետև շարունակում է. «մարմնի գործերը հայտնի են. այսինքն՝ շնություն, պոռնկություն, պղծություն, վավաշոտություն, կռապաշտություն, կախարդություն, թշնամություն, կռիվ, նախանձ, բարկություն, հակառակություններ, երկպառակություններ, բաժանումներ, չար նախանձ, սպանություններ, հարբեցողություններ, անառակություններ և սրանց նման ուրիշ բաներ» (Գաղ. 5:19-21)։

Այս պահին մենք գտնվում ենք Մեծի Պահոց շրջանում և մեր զգայական ցանկություններն՝ առանց պահեցողության, դժվար է իրենց չափի և սահմանի մեջ պահել: Ուստի պահքն, այդ առումով, կարևոր դեր ունի ցանկությունների դեմն առնելու հանգամանքով, քանի որ պահեցողության միջոցով մենք զորացնում ենք մեր հոգևոր շնորհները, ինչպես Պողոս առաքյալն է ասում. «Իսկ Հոգու պտուղն այս է՝ սեր, խնդություն, խաղաղություն, համբերություն, քաղցրություն, բարություն, հավատարմություն, հեզություն, ժուժկալություն» (Գաղ. 5:22-23): Հետևաբար ովքեր մարմնի ցանկություններով են առաջնորդվում՝ Աստծո Արքայությունը չեն ժառանգելու, ինչպես Գրիգոր Տաթևացին է ասում. «թող իմ հոգին դրանց վրա չմնա, դրանց որպես մարմնին ծառայելու համար»:

ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․